3 Kasapi ng Maute Huli sa Iloilo
Kinumpirma ni Philippine Coast Guard Iloilo Station Commander Ramil Palabrica na nahuli nila kahapon ang 3 pinaghinalaang kasapi ng Maute Group sa Marawi City.
Sa panayam ng Radyo Bandera Philippines, ipinahayag ni Palabrica na isinagawa ang operasyon sa pantalan ng Iloilo matapus sila makatanggap ng tawag mula sa District Commander ng Coast Guard sa Cagayan de Oro City na si Capt. Leo Panupio na may nakapuslit na miembru ng Maute sakay sa MV St. Therese ng 2GO shipping.
Nahuli ang 3 bandang alas 3 ng hapon sa Iloilo Port. Ang mga nahuli ay kinilalang sina Alajid Pangumping Romato, 20,ng Sabayle Iligan City; kapatid na si Farida Pangumping Romato,23, Carmen Cagayan de Oro at kasintahan ni Farida na si Abdulrahman Serd Dimakutah,25, Lanao del Sur.
Sa naturang operasyon kasabay ng Iloilo Coast Guard si Capt. Panupio nga lumipad pa galling Cagayan de Oro upang habulin ang mga nakapuslit na kasapi ng Maute group. Binalik naman ni panupio ang mga suspect sa Cagayan de Oro upang sampahan ng kaso kaugnay sa nangyaring pananalakay sa Marawi City ng Maute group.