Suspect sa ambush sa Calatrava nakasagupa ng 62nd ID

Kumpirmado na may naganap na bakbakan kahapon sa pagitan ng 62nd ID at mga hinahalaang NPA sa Brgy. Bug-ang Toboso Negros Occidental.

Ito ang konpirmasyon ni Lt. Col. Daryl Bañez ang Batallion Commander ng 62nd ID sa panayam ng Radyo Bandera Philippines. Ayon kay Banez mga alas 10 ng umaga habang nakapatrolya ang kanilang tropa sa naturang lugar ay nakita nila ang humgit kumulang sa 12 na mga rebelde na nagpapahinga. May maiksing palitan ng putukan bago tuluyang tumakas ang m,ga ito.

Narekober ng army ang isa .45 pistol, mga back packs at subersibong dokumneto. Hindi rin masabi ni Banez kung ang kanilang nasagupa ay ang mga salarin sa pananambang sa isang planter na si Norberto Lumayno sa Brgy. Minapasok Calatrava, Negros Occidental.